“اتحاد أمهات مصر” يرصد تعليقات أولياء الأمور علي جداول الثانوية: علمي رياضة مظلومين

رصدت عبير أحمد، مؤسس اتحاد أمهات مصر للنهوض بالتعليم، وائتلاف أولياء أمور المدارس الخاصة، ردود أفعال وتعليقات أولياء أمور طلاب الثانوية العامة علي جداول الإمتحانات المقرر انطلاقها 10 يوليو لطلاب القسم العلمي و11 يوليو لطلاب الأدبي.

وتفاعل المئات من أولياء الأمور علي صفحة اتحاد أمهات مصر، في الفيس بوك، حيث قالت ولي أمر: “طلاب علمي رياضة مظلومين، ومحتاجين زيادة في وقت المواد، الأسئلة بتحتاح وقت، وحينقل الإجابة على التاب”.

وأضافت ولي أمر أخري: “فكرة الإجابة فى البابل شيت والتاب دى لخبطه للطالب لأن مع توتر الأولاد من الوارد تشتت فى الإجابة فى الإثنين ولخبطه جامده وتضييع للوقت”، وتابعت أخري: “علمى رياضه مظلوم، ليه ماده الكيمياء فيه أربع أيام قبلها لعلمى علوم ويومين فقط لرياضة، وكمان ليه مواد الرياضة ساعتين فقط رغم إن الرياضة محتاجه وقت للتفكير ثم حل المسأله وإختيار الإجابة”.

وذكرت أخري: “طلاب الرياضة مظلومين، بأي حق يكون قبل الكيمياء يومين مع أنه نفس منهج علوم وعلوم واخده أربع أيام، هل دا ذنب رياضه؟، يا ريت تأخير الرياضه البحته لآخر الجدول”.

بينما قالت ولي أمر: “يارب بالتوفيق، جدول الأدبي حلو الحمد لله بس المهم الإمتحانات العربي والإيطالي والإنجليزي يكونوا علمي وأدبي نفس المستوي مش عشان الإمتحان تاني يوم يبقي أصعب من أول يوم وربنا ينور بصرتهم ويفتح عليهم ويرزقهم الصواب يارب آمين”.