“أمهات مصر” يرصدن.. هتشوفوا ماتش الأهلي ولا هتذاكروا؟.. وطلاب: “لو قبل الإمتحان بساعة هنشوفه”
اتحاد أمهات مصر يرصد الأجواء داخل منازل طلاب الثانوية خلال ماتش الأهلي: “الأهلي دايما بيفرحنا”
رصد إتحاد أمهات مصر للنهوض بالتعليم، برئاسة عبير أحمد، آراء أولياء أمور طلاب الثانوية العامة خاصة الشعبة الأدبية الذين يؤدون إمتحان الفلسفة والمنطق غدا، إمكانية السماح لأبنائهم بمشاهدة ماتش الأهلي في نهائي دوري أبطال إفريقيا من عدمه.
وتفاعل أولياء الأمور من الأمهات، علي صفحة اتحاد أمهات مصر في الفيسبوك، وكذلك علي باقي صفحات الطلاب وأولياء الأمور، حيث قالت ولي أمر: “هو حبيبى نفسه مش قابله يشوف الماتش، ربنا يوفقهم يارب يارب يكرمهم يارب”.
وأضافت ولي أمر: “هو اللي مش عاوز وربنا معاه ياارب”، واستكمل طالب: “من امتي الإمتحانات بتفرحنا زي ما الأهلي بيفرحنا، أكيد الماتش”.
وقال طالب بالشعبة الأدبية: “لا احنا كأدبي لو الماتش قبل الإمتحان بساعة هنسيب الإمتحان عادي”، وأضافت ولي أمر: “بيفكروني أيام ما كنت بمتحن في الثانوية العامة، كانت مصر بتلعب في كأس العالم 1990 وكان صابح عندي إمتحان جغرافيا وبردو اتفرجت على الماتش اللي مجدي عبدالغني جاب فيه ضربة الجزاء”.
“الماتش طبعا الاهلي طول عمره بيفرحنا”، وتضيف طالبة أخري: “الماتش وأنا بذاكر الإثنين مع بعض”.
ويلتقي، في التاسعة مساء اليوم، النادي الأهلي المصري، نادي كايزر تشيفز، في نهائي دوري أبطال إفريقيا 2021، حيث تقام المباراة على استاد محمد الخامس في المغرب بدون حضور جماهيري بسبب تداعيات انتشار فيروس كورونا في العالم.
