وزير التعليم: الحوار والإستماع لكل الأطراف والإجتماعات الدورية ووضوح الأهداف من عوامل نجاح الفريق
قال الدكتور رضا حجازي، وزير التربية والتعليم والتعليم الفني، إن الحوار والإستماع لكل الأطراف والإجتماعات الدورية ووضوح الأهداف من عوامل نجاح الفريق.
وأضاف علي صفحته الرسمية في الفيسبوك: لذلك أعجبني كلام الدكتور محمود أبو العزايم حينما قال: “صاحب مصنع صابون كان عنده مشكلة كبيرة أثرت على سمعة المصنع.. المشكلة إن كان في علب صابون فاضية بسبب خطأ في ماكينة التعبئة نتيجة سرعة خط الإنتاج.. جاب شوية خبراء وقالوله الحل جهاز ليزر يتحط على السير عشان يكشف العلب الفاضية، والجهاز ده هيتكلف ١٠٠ الف دولار!،
صاحب المصنع كان مضطر يوافق عشان يحافظ على سمعة مصنعه.. وهو قاعد في مكتبه دخل عليه عامل قاله أنا عاوز ١٠٠ دولار وأحل المشكلة!”.
وتابع: “صاحب المصنع سمع للعامل واداله الفلوس.. راح العامل جاب مروحة حطها على خط الإنتاج.. العلب الفاضية كانت بتطير من هوا المروحة والعلب المليانة بتعدي عادي!!!”.
واستكمل: “عشان كده لازم تسمع لكل واحد في فريق عملك بإهتمام.. ربما العامل البسيط عنده برؤيته حل أفضل من الخبراء.. اسمع وشارك الناس وخليهم يفكروا ويحسوا انهم بيساهموا في القرار هتنجح بنجاحهم.. الأفكار اللي هتخرج من عشرة بيفكروا غير الفكرة اللي هتخرج من واحد مهما كان! القياده فن”.
