أي علاقة مستمرة بين أي اتنين ومكملين ومبسوطين بوجودهم في حياة بعض، هتلاقي أركان أساسية موجودة بينهم:
1-الإحترام: الإحترام خطوة تسبق الحب بآلاف الأميال، يعني احترام نشأتك، عادتك وتقاليدك التي تكاد تكون مختلفة عني، بحترم ماضيك، بحترم خصوصيتك والحدود اللي انت حاططها لنفسك، بحترم مجهودك وأظهر دايماً احترمي ده.
2-القبول: يعني بوافق تكون أنت، مش مضطر تغير من نفسك عشان أحبك، القبول يعني قابل اختلافك وتطورك، يعني قابلك بكل الأخطاء والعيوب والنواقص.
3- الإخلاص: يعني مليان بيك، معنديش لحظة برا محيطك أو غيابك يقدر حد يشاركني فيه غيرك، الإخلاص يعني بتعامل وبتصرف في غيابك زي ما بتصرف في وجودك.
4- الإجتهاد: يعني لازم أجهد نفسي عشان أفهم شريكي، لازم أفكر إزاي أشكره علي مجهوده في تفكيره في لحظة سعادة ليا، أخد من وقتي عشان اتواصل معاه، أركز علي جهدي لإظهار حبي وأركز أقوله ربنا يخليك ليا، بجتهد أكون متاح في أي وقت معه وأسنده حتي لو عندي إيه.
5- التغافل: لازم أتعلم إزاي أعدي وأتغافل عن كل فعل بغير قصد، أتغافل عن أخطاء وعيوب الماضي وأتنازل في بعض الوقت عشان نوصل لحل يرضينا إحنا الإتنين.
6- الأمان: يعني متأكد إن شريكي معايا في السراء والضراء، في الوحش قبل الحلو، في الحزن قبل الفرح، مش هيتخلي عني لو تخنت أو مرضت، الأمان أبقى متأكدة إني ممكن أحكي أي حاجة من غير خوف إنك ممكن تتخلي عني.
7- العتاب والتقطيم: افتكري دايماً مافيش راجل في الدنيا بيحب الرغي والزن والعتاب والملاحقة وأوعي تظهري إنك اذكي منه يخاف منك علي طول، بلاش تكوني لقطة كل حاجة، ركزي بشكل أكبر في حياتك “اقرائي كتاب، اعملي ماسكات، اتفرجي علي مسلسلات، شغلك، طموحك، انزلي جيم، احلامك” اشغلي نفسك في أي حاجة غير الزن عليه!.
#في الآخر أحب أكد مفيش علاقة في الدنيا من أول ما تبدأ بتبقي فاشلة. كل علاقة لازم الطرفين يشتغلوا عليها عشان تكمل.
#ويارب كل من له حبيب قريب منه ولا بعيد ما تحرموش منه وأجمع بين كل اتنين مع بعض بالحلال علي خير وعن قريب.
