مؤسس “أمهات مصر” ترصد أجواء وشعور أولياء أمور الثانوية العامة قبل انطلاق امتحاناتهم

“‏أولياء أمور طلاب الثانوية العامة طمنونا عليكم مختفيين ليه، كان الله في عونكم ويقويكم‏؟”، سؤال بمجرد أن طرحته عبير أحمد، مؤسس إتحاد أمهات مصر للنهوض بالتعليم، وإئتلاف أولياء الأمور، علي أولياء الأمور، انهارت عشرات التعليقات علي البوست.

وأوضحت عبير، في تصريحات صحفية، إن تعليقات أولياء الأمور تضمنت أغلبها خوف وقلق استعدادا لإمتحانات الثانوية العامة التي تنطلق الإثنين المقبل الموافق 12 يونيو، داعيه أولياء الأمور والطلاب بأن يتوكلوا علي الله ويركزوا بهدوء وأن يتم تهيئة المناخ الملائم داخل المنزل، متمنيه التوفيق لجميع الطلاب.

وتضمنت بعض التعليقات من جانب أولياء الأمور علي صفحة إتحاد أمهات مصر للنهوض بالتعليم، وإئتلاف أولياء الأمور، حيث قالت ولي أمر: “واثقين في ربنا إنه عمره ما هيضيع تعب أولادنا ولا تعبنا، رب الخير يا يأتي الا بالخير، ربنا يقويهم على اللي جاي إن شاء الله”، بينما ذكرت ولي أمر: “بصراحة قلبي هيقف من الرعب، ربنا يكرمهم
بصراحة المواد الغير مضافة ملهاش اي لزمة وهم زيادة على الولاد”.

وأضافت ولي أمر أخري: “بنشجعهم وديما اقوله مهما كانت النتيجة انا فخوره بيك جدا، ومن وقت لتاني بكون أشد شويه نهزر ونسيب المذاكره شويه كده يعني علشان يستعيد نشاطه وقوته من جديد، وربنا يكرمنا”.

واستكملت ولي أمر: “طبعا من التوتر والخوف بنتى بتحس نفسها نسيت فبتراجع مع مدرسين يوتيوب عاملين ملخصات للمنهج وبنحل إمتحانات وربنا يوفقهم جميعا، وبحاول اطمنها على قد ما اقدر واديها ثقه فى نفسها يعنى مبحطهاش تحت ضغط عشان متحملش نفسها فوق طاقتها وتتوتر اكتر دعواتكم ربنا يجبر بخاطرنا جميعا”.

ووجهت ولي أمر حديثها للمراقبين، قائله: “عزيزي مراقب الثانوية العامة، مجرد ما تبدأ المراقبة بلاش تعمل توتر ودوشه جنب الطالب وحاول تكون ليه أب قبل انك تكون مراقب مش مطلوب منكم غير تظبطوا اللجنه بهدوء، زي ما انت ليك أبناء وهتخاف عليهم أيام الامتحانات دول طلاب وليهم أولياء أمور وقلوبهم بتتقبض عليهم،
حاولوا تهيئوا اللجنة لحاله من الهدوء التام والطمأنينه بين الطلاب وطمنوهم طول اللجنه كل شويه وربنا يجازيكم خير”