نماذج مصرية

«ابن الوز عوّام».. «زينة محمد صلاح» بنت الزقازيق تحصد المركز الأول في بطولة الجمهورية لجمباز الأيروبك

في يوم 19 يونيو، 2021 | بتوقيت 10:25 ص

والدة زينة لـ «نتعلم مصري»: «بتلعب جمباز وهي عندها 5 سنين.. وشطورة في دراستها»

حصلت زينة محمد صلاح، علي المركز الأول وميدالية ذهبية لمرحلة تحت 12 سنة في بطولة الجمهورية لجمباز الايروبك بالبطولة الثانية للموسم 2020-2021، والتي أقيمت بنادي المقاولون العرب في الفترة من 13 إلي 20 يونيو الجاري.

«نتعلم مصري» تحدث مع الدكتورة شيرين محمد عبدالحميد، أستاذ التمرينات والجمباز بكلية التربية الرياضية بجامعة مدينة السادات، وهي والدة الطفلة زينة بطلة الجمهورية.

وقالت والدة البطلة زينة: “زينة بدأت تلعب جمباز فني وهي عندها ٥ سنين لحد ٩ سنين، وجمباز الايروبك بدأ في مصر من ٣ سنين، وهي لقيت نفسها فيه فدخلت الايروبك سنها ٩ سنوات”.

وأضافت والدة زينة: “هي داخله أولى إعدادي العام الدراسي الجديد، وبنوفق طبعا بين الدراسة والتمرين وبحاول أنظم معاها وقتها”.

تستكمل والدة زينة حديثها لموقع “نتعلم مصري”: “هي شطورة على فكره في المدرسة وهتبقى حريصة إن درجاتها ماتقلش في الإمتحان، وهي في مدرسة الفؤاد انترناشيونال سكول بالزقازيق في محافظة الشرقية”.

“من وهي في kg2 بتلعب جمباز”، تضيف والدة زينة: “زينة هي الأصغر سننا من بين أخواتها، وهي فعلا مجاهده ومشوارها مع الجمباز طويل، ٨ سنين بتلعب وبتدخل بطولات ومش عايزه تسيبه لأنها بتحبه، والفتره قبل البطوله بتبقى مضغوطة جدا ومابتنمش، وطبعا أنا عندي عقله في البيت ومشايه عشان وهي في البيت بتشتغل”.