إئتلاف تحيا مصر بالتعليم يطلق مبادرة للتبرع بالكتب الخارجية والملازم

مني أبوغالي: “الكتب الخارجية أسعارها غالية وفي كتير ميقدروش يشتروا وهناك سوق سوده لبيعها”

أطلقت مني أبوغالي، مؤسس إئتلاف تحيا مصر بالتعليم، مبادرة “مع بعض هنقدر والخير للخير”، وذلك لتبادل الكتب الخارجية والملازم والتبرع لها لباقي الطلاب في مختلف المراحل التعليمية.

وقالت أبوغالي: “من 2016 بدأت بعمل بوست خاص بالكتب سواء المدرسيه أو الخارجية أو الملازم الخاصه بالدروس، وطلبت من الناس إنها تتبرع بيهم لمن يحتاجهم لجميع الصفوف الدراسية”.

وأضافت: “واليوم بعد سنين بكرر نفس البوست ولكن علي شكل مبادرة كلنا نشترك فيها وتكون منظمة لخدمة الغير وخدمة نفسنا والخير للخير، وأي حد عنده كتب دراسية أو خارجية أو ملازم ياريت بلاش يرميها أو يتصرف فيها في غير مكانها، كلنا نشوف مين محتاجها ونتبادل الكتب أو نتبرع بيها لغيرنا، أنتم عارفين الكتب الخارجية أسعارها غالية وفي كتير ميقدروش يشتروا”.

وتابعت: “وكلنا شوفنا أزمة الصفوف الثانويه لعدم طباعة الكتب هذا العام وكان هناك سوق سوده للبيع والشراء، ياريت اللي يقدر يشارك معانا ميترددش ويساعد غيره، صدقوني دعوة من شخص متعرفهوش بالدنيا وما فيها، والحسنات يذهبن السيئات ودى حسنات هتتكتب لنا عند الله”.