مؤسس ائتلاف تحيا مصر بالتعليم: هذه مطالب أولياء الأمور في العام الدراسي الجديد
عرضت مني أبوغالي، مؤسس ائتلاف تحيا مصر بالتعليم، مجموعة من مطالبات أولياء الأمور قبل إنطلاق العام الدراسي الجديد.
وقالت أبوغالي، في تصريح خاص لموقع “نتعلم مصري”، إن ولي الأمر يريد أن يتعلم إبنه ويكون هناك دراسة ومنهج يتضمن تطبيقات ومعلم يشرح ويستطيع توصيل المعلومة.
وأضافت أبوغالي: “للأسف الطلبة بقالها تلات سنين لم تتعلم شيء، والموضوع أصبح مادى بحت، مدرس عايز يبدأ دروس،صاحب مدرسة عايز يجمع مصاريف والنتيجة لا تحصيل للطالب واستنزاف لجيوب أولياء الأمور فقط”.
وتابعت: “الدراسة علي الأبواب وجائحة كورونا تلازم الدولة ولسه بيخرج تصريحات مستفزة مثل ربط استلام الكتب بالمصروفات، إزاي وكل أسرة عندها أكتر من طفل في مراحل متعددة”، واستكملت: “ولي الأمر هيقدر يدفع لكل اولادة إزاي بسبب قرار زى كدة، هل معني كدة الطالب اللي مش هيدفع هيتحرم من دخول المدرسة مثلا في حالة إنه استعار كتب من حد أو اشتراها من برة، إيه ضمانات المدرسة لو مش استلم الكتب أو دفع المصروفات”.
وأشارت أبوغالي إلي أبرز مطالب أولياء الأمور في عدم إجبار الطلبه علي الحضور، مستطرده: “اللي عايز يلتزم بالحضور تمام، واللي خايف علي أولاده يختار طريقة تعليمهم بنفسه”، مضيفه: عدم ربط استلام الكتب بالمصروفات، لضيق حال بعض الأسر المصرية وهم كثر، وكذلك في حالة الحضور إلتزام المعلمين بالتدريس الجيد والمناقشات الجادة مع الطلبة، قائله: “عايزين تعليم بجد”.
