مؤسس “أمهات مصر”: أولياء الأمور يطالبون بضبط أسعار الكتب الخارجية والرقابة عليها

تابعت عبير أحمد، مؤسس اتحاد أمهات مصر للنهوض بالتعليم، وائتلاف أولياء الأمور، الكتب الخارجية مع أولياء الأمور وأبنائهم وأسعارها هذا العام، خاصة أنه من المعتاد أن يقوموا بشراءها خلال هذه الفترة وقبل انطلاق العام الدراسي بوقت كبير.

ونشرت عبير منشور علي صفحة الاتحاد والائتلاف، في الفيسبوك، وجهت إلي أولياء الأمور، تضمن: “اشتريتم الكتب الخارجية ولا لسه؟، والأسعار عامله إيه؟، خلونا نفيد بعض”.

وتفاعل أولياء الأمور علي صفحة اتحاد أمهات مصر وائتلاف أولياء الأمور، في الفيسبوك، حيث قالت ولي أمر: “للأسف كتب 2 ثانوى غالية جدا ربنا يلطف بينا جميعا، محتاجين رحمه على أولياء الأمور ونتمنى تخفيض أسعار الكتب رأفة بأولياء الأمور، خاصة من لديه أكثر من طالب فى التعليم هايجيب منين؟، أتمنى من وزير التعليم ينظر لأولياء الأمور ويقوم بعمل رقابة على الكتب الخارجية”.

وأضافت ولي أمر أخري: “للأسف أسعار كتب الثانوى محتاجة قرض من البنك المركزى، الأسعار مبالغ فيها وكتاب اللغة العربية ب 515 جنيه والجغرافيا 370 جنيه، ولسه الباقى بجد الموضوع صعب جدا ربنا يرحمنا برحمته”.

واستكملت أخري: “أنا اشتريت كتاب اللغة العربية ب 550 جنيه ثالثة ثانوى، والمعاصر فيزكس 610 جنيه للثانوية العامة”، وتابعت أخري: “والله الأسعار صعبة جدا، أنا بنتى فى كى جى أقل كتاب ب 185 و200 جنيه”.

وذكرت ولي أمر: “احنا لسه محدش اشترى كتب خارجية حتى الآن أولياء أمور ثانوية عامة 2026، لأننا مرتبطين بالأساتذة اللى هيشرحوا كل أستاذ معاه كتاب معين كل المجموعة اللى معاه لازم تلتزم بيه أول ما يبدأ هنبدأ معاه بإذن الله، لكن أنا اسمع إن الكتب الخارجية المعاصر فيزياء وصل سعره 610، هنتابع الشرح أون لاين والملازم ونحاول على اد ما نقدر نتبع التعليمات وربنا معانا كلنا ويوفق ولادنا إلى ما فيه الخير ليهم ولينا ويفرحنا بيهم كلنا”.