وزير التعليم يكشف أسباب سرعة اتخاذ قرارات دمج مواد الثانوية الصيف الماضي
كشف وزير التربية والتعليم والتعليم الفني محمد عبد اللطيف، أسباب سرعة اتخاذه قرارات هيكلة الثانوية العامة في الصيف الماضي، والتي تضمنت دمج مواد وجعل مواد خارج المجموع.
وأضاف وزير التربية والتعليم، خلال لقاء مع الصحفيين المعنيين بتغطية أخبار الوزارة، اليوم، أن طلاب الصف الأول الثانوي كان مقرر عليهم ١٤ مادة، و٤٠ حصة في الأسبوع، قائلا: “طلع نصيب كل مادة، العربي ٥ حصص، وقسموا الباقي، حصتين إلى ٣ حصص فيزياء”.
وتابع: “طب منهج الفيزياء، اللي صمم المنهج علي أساس يدرس في ١٠٠ ساعة، لما كان المدرس يدخل علي الطالب بيقول انا مش هعرف أخلص المنهج في المدرسة، لو في مدرس في مصر يعرف يخلص منهج رياضيات أو فيزياء في المدرسة مش هتلاقي مدرس يخلصه، طب الطالب عايز يدخل معمل مش هيعرف، طب تدريس المهارات مش هيعرف، يقرأ بطريقه سليمه إما هشرح بسرعه ومش هخلص، طب الوضع ده ايه والحل ايه”.
وأشار إلي أن قرار دمج المواد، مستطردا: “طب لما جينا ندمج المواد أو نقلل، علشان افتح الوقت للمواد الأساسية علشان يقدر المدرس يخلصها في المدرسة، طب هل كنا ننتظر في الصيف ولا نقوم بحل جذري أو مبدأي في الصيف، هل كنا نسيب الطلبة يدخلوا علي ٣٢ مادة بالشكل ده؟، هل نسيب الوضع علي ما هو عليه، وأسيب ٣ مليون طالب داخلين مرحلة ثانوية؟ لا، وسنستمر في التطوير”.
